Maaş gecikir – işçinin hansı hüquqları var?

Əgər işçi əmək müqaviləsi əsasında işləyirsə, əməkhaqqı vaxtında ödənilməlidir. Maaşın davamlı gecikdirilməsi sadəcə narahatlıq deyil, əmək münasibətlərində hüquqi problem yarada bilər.
İşçi ilk növbədə bunları müəyyən etməlidir:
əmək müqaviləsində maaşın ödənilmə qaydası necə göstərilib;
maaş neçə gün və ya neçə ay gecikib;
gecikmə bütün işçilərə aiddir, yoxsa yalnız konkret işçiyə;
ödənilməmiş məbləğ nə qədərdir;
əlavə ödənişlər, bonuslar və ya artıq iş haqları da gecikdirilibmi.
Maaş vaxtında ödənilmirsə, işçi işəgötürənə yazılı tələb verə bilər. Tələbdə gecikdirilmiş əməkhaqqının məbləği, aid olduğu dövr və ödəniş tələbi konkret göstərilməlidir.
Belə mübahisələrdə aşağıdakı sübutlar əhəmiyyətlidir:
əmək müqaviləsi;
bank çıxarışları;
əməkhaqqı hesablamaları;
işəgötürənlə yazışmalar;
tabel və iş vaxtı məlumatları;
bonus və əlavə ödənişləri təsdiq edən sənədlər.
Əgər işəgötürən ödənişi könüllü qaydada etmir, məsələ fərdi əmək mübahisəsinə çevrilə bilər.
Bu halda mediasiya yolu da tətbiq oluna bilər. Tərəflər ilkin mediasiya sessiyasında ödənilməli məbləği, ödəniş müddətini və qaydasını razılaşdıra bilərlər.
Razılıq əldə olunmazsa, işçi hüquqlarını məhkəmə qaydasında müdafiə edə bilər.
Əsas məsələ budur ki, gecikdirilmiş əməkhaqqı “itmiş pul” deyil. İşçi ona çatası məbləğin ödənilməsini tələb etmək hüququna malikdir.

Hüquqşünas | Mediator
Zaur Quliyev
WhatsApp: 099 711 95 99