Mavi Zona (Blue Zones) sirri

Faktum.az xəbər verir ki, uzun və sağlam ömür sürmək əsrlər boyu bəşəriyyətin ən böyük arzularından biri olub. Demoqraflar və tədqiqatçılar müəyyən ediblər ki, dünyada elə xüsusi coğrafi ərazilər var ki, orada yaşayan insanlar nəinki 100 yaş həddini rahatlıqla keçir, həm də xroniki xəstəliklərdən uzaq, son nəfəslərinədək aktiv həyat sürürlər. Bu ərazilər elmdə “Mavi Zonalar” (Blue Zones) adı ilə tanınır.

Tədqiqatçı Dan Buettner və “National Geographic” komandasının uzunillik araşdırmaları nəticəsində dünyada 100 yaşlı insanların ən yüksək sıxlıqla yaşadığı 5 ana məkan müəyyənləşdirilib. Bunlardan birincisi “İnsanların ölməyi unutduğu ada” kimi tanınan Yunanıstanın İkariya adasıdır ki, burada demensiya və xərçəng xəstəliklərinə demək olar ki, rast gelinmir, yerli əhalinin pəhrizi zeytun yağı, ev tərəvəzləri, dağ çayları və az miqdarda balıqdan ibarətdir. Dünyanın ən yaşlı qadınlarının yaşadığı Yaponiyanın Okinava adasında isə insanlar mədənin 80%-i dolduqda yeməyi dayanırmaq qaydasına əməl edir və soya, bata t, eləcə də göyərtilərlə qidalanırlar. İtaliyanın Sardiniya adasındakı Nuoro əyaləti isə 100 yaşına çatan kişilərin ən çox olduğu məkandır, burada çobanlıqla məşğul olan yerli əhali hər gün kilometrlərlə piyada yol qət edir, kəpəkli çörək və keçi südü məhsulları ilə bəslənirlər.

Mərkəzi Amerikanın Kosta-Rika ərazisində yerləşən Niko poyasında yaşayanlar günə fiziki əməklə başlayır, suyunun tərkibindəki yüksək kalsium və maqnezium sayəsində sümük və ürək sağlamlıqlarını qoruyurlar. Sonuncu məkan olan ABŞ-ın Kaliforniya ştatındakı Loma Linda qəsəbəsinin sakinləri isə dini inanclarına görə tamamilə vegeterian həyat tərzi sürür, tütün və spirtli içkilərdən imtina edərək digər amerikalılardan orta hesabla 10 il daha çox yaşayırlar. Mütəxəssislər bildirirlər ki, bu 5 fərqli məkanı birləşdirən ortaq cəhətlər genetikadan daha çox təbii hərəkətlilik, bitki mənşəli qidalanma, güclü sosial bağlar və stressiz həyat tərzidir.