”Görünməz” B-2 Spirit bombardmançı təyyarəsi ilk uçuşunu etdi

Faktum.az  xəbər verir ki, 17 iyul 1989-cu ildə hərb tarixi və aviasiya mühəndisliyində dönüş nöqtəsi sayılan bir hadisə baş verdi: dünyanın ən bahalı və sirli hərbi təyyarələrindən biri olan “B-2 Spirit” ilk rəsmi uçuşunu uğurla həyata keçirdi. Bu hadisə təkcə ABŞ Hərbi Hava Qüvvələrinin deyil, qlobal strateji balansın da gedişatını dəyişdi.

“Görünməz” texnologiyanın zirvəsi sayılan bu bombardmançı düşmən radar sistemləri tərəfindən aşkar edilməni minimuma endirən unikal formaya və materiallara sahibdir.

B-2 Spirit-in yaradılması layihəsi Soyuq müharibənin gərgin illərinə təsadüf etsə də, onun ilk uçuşu gələcəyin hərbi hava taktikasının başlanğıcı oldu. O, uzaq məsafələrə nüvə və konvensional silahlar daşımaq qabiliyyətinə malikdir ki, bu da onu qlobal miqyasda ən təhlükəli strateji silahlardan biri edir.