Azərbaycan AQEM-ə iki il ərzində sədrliyi müddətində elm və digər sahələrdə əməkdaşlığı fəal şəkildə təşviq etmişdir
Azərbaycan AQEM-ə iki il ərzində sədrliyi müddətində onun gücləndirilməsinə prioritet diqqət ayırmış və nəqliyyat, bağlantılar, rəqəmsallaşma, ətraf mühitin mühafizəsi, turizm, təhsil, elm və digər sahələrdə əməkdaşlığı fəal şəkildə təşviq etmişdir
Azərbaycanın Asiyada Qarşılıqlı Fəaliyyət və Etimad Tədbirləri üzrə Müşavirəyə (AQEM) iki il ərzində sədrliyi təşkilatın institusional potensialının gücləndirilməsi, fəaliyyət istiqamətlərinin genişləndirilməsi və üzv dövlətlər arasında çoxtərəfli əməkdaşlığın dərinləşdirilməsi baxımından mühüm mərhələ olmuşdur. Sədrliyimiz dövründə Azərbaycan təşkilatın beynəlxalq münasibətlər sistemində rolunun möhkəmləndirilməsinə, qarşılıqlı etimadın artırılmasına və regional əməkdaşlığın inkişafına xüsusi diqqət yetirmişdir. Bu çərçivədə nəqliyyat və bağlantılar, rəqəmsallaşma, ətraf mühitin mühafizəsi, turizm, təhsil, elm və digər sahələrdə birgə təşəbbüslər fəal şəkildə təşviq edilmiş, üzv dövlətlər arasında təcrübə mübadiləsinin və praktiki əməkdaşlığın genişləndirilməsi istiqamətində ardıcıl səylər göstərilmişdir.
Azərbaycanın sədrliyi dövründə irəli sürdüyü təşəbbüslərin əsas məqsədi AQEM-in fəaliyyətini daha səmərəli və nəticəyönümlü etmək, təşkilatın üzv dövlətlərin ümumi maraqlarına xidmət edən çoxtərəfli dialoq platforması kimi imkanlarını genişləndirmək olmuşdur. Bütün üzv dövlətlərin yekdil dəstəyi ilə həyata keçirilən tədbirlər təşkilatın institusional və hüquqi əsaslarının möhkəmləndirilməsinə, fəaliyyət mexanizmlərinin təkmilləşdirilməsinə və qarşılıqlı fəaliyyət imkanlarının artırılmasına töhfə vermişdir. Bu proses AQEM-in yalnız siyasi dialoq məkanı kimi deyil, həm də müxtəlif sahələrdə konkret əməkdaşlıq təşəbbüslərinin irəli sürüldüyü platforma kimi inkişafına şərait yaratmışdır.
Sədrliyimiz müddətində nəqliyyat və bağlantılar sahəsində əməkdaşlığın təşviqi xüsusi əhəmiyyət daşımışdır. Avrasiya məkanında əlverişli coğrafi mövqeyə malik olan Azərbaycan regional və beynəlxalq nəqliyyat dəhlizlərinin inkişafını, logistika imkanlarının genişləndirilməsini və ölkələr arasında iqtisadi əlaqələrin möhkəmləndirilməsini prioritet istiqamətlərdən biri kimi irəli sürmüşdür. Rəqəmsallaşma sahəsində əməkdaşlığın genişləndirilməsi isə müasir texnologiyaların tətbiqi, innovasiyaların təşviqi və üzv dövlətlərin rəqəmsal transformasiya proseslərində təcrübə mübadiləsinin əhəmiyyətini ön plana çıxarmışdır. Ətraf mühitin mühafizəsi, təhsil, elm və turizm sahələrində əməkdaşlığın təşviqi də AQEM çərçivəsində qarşılıqlı fəaliyyətin şaxələndirilməsinə xidmət etmişdir. Bu istiqamətlər üzrə təşəbbüslər üzv dövlətlər arasında bilik və təcrübə mübadiləsinin genişləndirilməsi, ortaq problemlərin həlli yollarının müzakirəsi və uzunmüddətli əməkdaşlıq əlaqələrinin formalaşdırılması baxımından əhəmiyyətlidir. Belə çoxşaxəli yanaşma təşkilatın fəaliyyət gündəliyinin zənginləşdirilməsinə və üzv dövlətlərin müxtəlif sahələrdə əməkdaşlıq imkanlarının artırılmasına zəmin yaratmışdır.
Azərbaycan bundan sonra da AQEM-in potensialının gücləndirilməsini, üzv dövlətlər arasında etimadın möhkəmləndirilməsini və praktiki əməkdaşlığın genişləndirilməsini dəstəkləyir. Ölkəmizin təşkilat çərçivəsində fəaliyyəti regional və beynəlxalq məsələlərin dialoq yolu ilə müzakirəsinə, ortaq maraqlar əsasında əməkdaşlığın inkişafına və qarşılıqlı faydalı təşəbbüslərin həyata keçirilməsinə əsaslanır. AQEM-in institusional imkanlarının daha da inkişaf etdirilməsi Asiya məkanında sabitliyin, təhlükəsizliyin, iqtisadi tərəqqinin və dövlətlər arasında qarşılıqlı anlaşmanın möhkəmləndirilməsi baxımından əhəmiyyətli perspektivlər yaradır.
Şəhla Xəlilova- Zərdab şəhər 1 saylı körpələr evi-uşaq bağçasının müdiri