Ağızda turşuluq, pis qoxu və dildə ərp: Bədəniniz sizə nə demək istəyir?

Faktum.az xəbər verir ki, gündəlik həyatda bir çox insanın qarşılaşdığı, lakin tez-tez gözardı edilən ağızda turşuluq hiss olunması, kəskin qoxu və dilin üzərində şirəli, yapışqan ərpin əmələ gəlməsi orqanizmdəki müəyyən pozuntulardan xəbər verir. Bu simptomlar sadəcə kosmetik və ya gigiyenik problem deyil, əsasən həzm sisteminin və ağız mühitinin fəaliyyətində yaranan axsamaların göstəricisidir.

Bu vəziyyətin yaranmasında önə çıxan əsas səbəblərdən biri mədə-bağırsaq sistemi xəstəlikləridir. Xüsusilə Qastroezofageal Reflüks (QERX) zamanı mədə turşusu və qıda qalıqlarının qida borusuna geriyə sızması ağızda daimi turşuluq dadı yaradır, dilin səthini qıcıqlandıraraq orada təbəqəli ərpin toplanmasına gətirib çıxarır. Eyni zamanda yüksək turşuluqlu qastrit, mədə xorası və öd yolları disfunksiyası zamanı qidanın həzmi ləngiyir, bu da qıcqırma prosesinə, kəskin qoxuya və dildə rəngi sarımtıla çalan şirəli ərpin əmələ gəlməsinə yol açır.

Digər tərəfdən, qeyri-kafi ağız gigiyenası, karies və diş əti iltihabları da ağızın pH balansını pozur. Dil səthində toplanan mikrorqanizmlər gıda qalıqlarını parçalayaraq kükürdlü qazlar ifraz edir ki, bu da kəskin halitozla (pis qoxu) nəticələnir. İmmun sisteminin zəifləməsi və ya antibiotik istifadəsi nəticəsində yaranan göbələk infeksiyası (kandidoz), eləcə də gün ərzində az su içmək səbəbindən tüpürcək ifrazının azalması da bakteriyaların çoğalmasını tətikləyən amillərdəndir.

Bu kimi hallarla qarşılaşdıqda mütəxəssislər ilk növbədə qastroenteroloq və stomatoloq müayinəsindən keçməyi, gün ərzində kifayət qədər sadə su içməyi və dişlərlə yanaşı dilin səthini də hər gün xüsusi vasitələrlə təmizləməyi tövsiyə edirlər.