TƏBİB-in tabeliyində olan “İnnovasiya və Təchizat Mərkəzi” publik hüquqi şəxsi tibb müəssisələrində istifadə üçün nəzərdə tutulmuş tibbi oksigen qazının və təcili tibbi yardım və digər şöbələr üçün tibb vasitələrinin alınmasına 6 246 310 AZN sərf edəcək.
Faktum.az-ın xəbərinə görə, işlər iki şirkətə – “Tibb Texnikasının Təmiri Zavodu” ASC-yə və “Diamed Co” MMC-yə verilib.
TƏBİB hər iki icraçı ilə müqavilə bağlayıb. Qanuni təmsilçisi Cavanşir Möhübət oğlu Vəliyev olan Tibb Texnikasının Təmiri Zavodunun dövlətə 4 806 AZN borcu var.//Pravda.az