Qan və qum: Kolizeyin gizli siyasəti

Faktum.az xəbər verir ki, Qədim Romanın möhtəşəm memarlıq abidəsi olan Kolizey sadəcə qanlı qladiator döyüşlərinin və amansız şouların keçirildiyi bir arena deyil, həm də imperatorların kütlələri idarə etmək üçün işlətdiyi dəhşətli dərəcədə dəqiq hesablanmış bir siyasi alət idi.

Roma elitasının “çörək və tamaşa” (panem et circenses) strategiyasının ən parlaq nümunəsi olan bu oyunlar vasitəsilə bütöv bir xalqın diqqəti yoxsulluqdan, işsizlikdən və daxili siyasi böhranlardan yayındırılır, pulsuz paylanan ərzaq və vahiməli tamaşalarla kütləvi itaətkarlıq təmin edilirdi.

Arena həm də imperiyanın mütləq gücünün, düşmənlərə və üsyançılara qarşı rəhmsizliyinin açıq nümayişi idi ki,  burada qətlə yetirilən qullar, hərbi əsirlər və cinayətkarlar üzərindən bütün cəmiyyətə imperiya iradəsinə qarşı çıxmağın dəhşətli bədəli xatırladılırdı.