Dünyada heyvan hüquqları günü qeyd olunur

Faktum.az xəbər verir ki, hər il 2 oktyabr tarixində təşkil edilən Beynəlxalq Fermer Təsərrüfatı Heyvanlarının Müdafiəsi Günü çərçivəsində fermalarda saxlanılan canlılara qarşı daha humanist rəftarın göstərilməsi üçün qlobal çağırışlar edilir.

Əlamətdar gün Birləşmiş Ştatların Vaşinqton şəhərində əsası qoyulmuş Farm Animal Rights Movement təşkilatı tərəfindən idarə olunur və The Guardian kimi aparıcı media vasitələrində də geniş işıqlandırılır. Dünyanın müxtəlif ölkələrində keçirilən aksiyalarda sənaye fermalarında heyvanların saxlanma şəraitinin yaxşılaşdırılması və mənəvi standartların tətbiqi ön plana çəkilir.

Sayca milyardlarla hesablanan təsərrüfat heyvanlarının müdafiəsi üçün təşkil olunan tədbirlər cəmiyyətin diqqətini bu sahədəki problemlərə yönəltməyi hədəfləyir.