Haqqımızda Reklam Əlaqə
160×600
160×600

Azərbaycan və Vyetnam arasında münasibətlərin 2025-ci ildə strateji tərəfdaşlıq səviyyəsinə yüksəldilməsi gələcək əməkdaşlıq üçün daha geniş imkanlar açıb

23 Noyabr 2026, 00:08 Siyasət
728×90

Azərbaycan və Vyetnam arasında münasibətlərin 2025-ci ildə strateji tərəfdaşlıq səviyyəsinə yüksəldilməsi gələcək əməkdaşlıq üçün daha geniş imkanlar açıb

 

Azərbaycan üçün Vyetnam Asiya regionunda mühüm əməkdaşlıq tərəfdaşlarından biridir. Vyetnam bazarında mövcudluğun artırılması ölkəmizin ixrac imkanlarının genişlənməsinə, Azərbaycan neftinin yeni istehlakçılara çatdırılmasına və beynəlxalq enerji ticarətində mövqeyinin möhkəmlənməsinə xidmət edir.

Vyetnam üçün isə Azərbaycanla əməkdaşlıq etibarlı enerji tərəfdaşının imkanlarından yararlanmaq, neft təchizatı mənbələrini şaxələndirmək, müasir texnologiyalar əldə etmək və neft-qaz sənayesində yeni təcrübələr qazanmaq baxımından əhəmiyyətlidir.

Bununla yanaşı, enerji sahəsində qurulan əlaqələr digər iqtisadi sahələrə də müsbət təsir göstərir. Nəqliyyat, logistika, ticarət, sənaye, təhsil və turizm istiqamətlərində əməkdaşlığın inkişafı iki ölkənin biznes dairələri arasında əlaqələrin genişlənməsinə imkan verir.

Azərbaycan və Vyetnam arasında münasibətlərin 2025-ci ildə strateji tərəfdaşlıq səviyyəsinə yüksəldilməsi gələcək əməkdaşlıq üçün daha geniş imkanlar açıb. Bu münasibətlərin inkişaf etdirilməsi istiqamətində 2025-ci ilin iyul ayında Hanoy şəhərində Azərbaycan-Vyetnam Hökumətlərarası Komissiyasının iqtisadi, ticarət, elmi və texniki əməkdaşlıq üzrə üçüncü iclası da keçirilib. İclasda enerji, ticarət, investisiya və digər sahələrdə əlaqələrin genişləndirilməsi məsələləri müzakirə olunub.

2026-cı il oktyabrın 16-da Azərbaycan Respublikasının energetika naziri Pərviz Şahbazov ilə Vyetnamın sənaye və ticarət nazirinin müavini Fan Thi Tanq arasında keçirilən görüşdə də enerji əməkdaşlığının gələcək istiqamətləri müzakirə edilib. Tərəflər SOCAR və Petrovietnam arasında əlaqələrin genişləndirilməsi, Azərbaycan neftinin Vyetnam zavodlarına tədarükünün davam etdirilməsi, neft-qaz yataqlarının kəşfiyyatı, emal, neft-kimya və texniki xidmət sahələrində yeni imkanların araşdırılmasına diqqət yetiriblər.

Bütün bunlar göstərir ki, Azərbaycan və Vyetnam arasında enerji sahəsində əməkdaşlıq davamlı inkişaf mərhələsinə qədəm qoyub. Qarşıdakı dövrdə mövcud razılaşmaların konkret layihələrə çevrilməsi, birgə investisiya imkanlarının araşdırılması və yeni texnologiyaların tətbiqi əsas vəzifələrdən olacaq.

Ümumilikdə, Azərbaycan Respublikası Dövlət Neft Şirkəti ilə Vyetnam Milli Neft və Qaz Şirkəti arasında əlaqələrin dərinləşdirilməsi ölkəmizin beynəlxalq iqtisadi və enerji əlaqələrinin genişləndirilməsi baxımından xüsusi əhəmiyyət daşıyır. Bu əməkdaşlıq uzun illər ərzində formalaşmış dostluq münasibətlərinin müasir dövrün tələblərinə uyğun olaraq yeni məzmunla zənginləşdirilməsinin bariz nümunəsidir.

Azərbaycan özünün zəngin neft-qaz təcrübəsini, texniki imkanlarını və beynəlxalq enerji bazarındakı mövqeyini Vyetnamla əməkdaşlığın inkişafına yönəldir. Vyetnam isə enerji sənayesindəki potensialı, genişlənən iqtisadi imkanları və Asiya bazarındakı mövqeyi ilə bu tərəfdaşlığın inkişafına töhfə verir.

 

Rəmzi Şirinov-Zərdab rayonu, Dəli Quşçu kənd tam ümumtəhsil orta məktəbinin direktoru

 

 

728×90
Paylaş: