Ticarət mərkəzindən oğurluq edən şəxs saxlanıldı

Qaradağ rayonunda oğurluq edən şəxs saxlanılıb.

Faktum.az xəbər verir ki, bu barədə Daxili İşlər Nazirliyinin (DİN) Mətbuat xidmətindən bildirilib.

Belə ki, Qaradağ rayonunda yerləşən ticarət mərkəzlərindən birindən 1500 manat pul vəsaiti oğurlanıb.

Polis əməkdaşlarının keçirdikləri tədbirlərlə əməli törətməkdə şübhəli bilinən 33 yaşlı S.Məmmədov müəyyən olunaraq saxlanılıb. Araşdırma zamanı onun digər analoji cinayət əməlləri törətdiyi də məlum olub.

Araşdırma aparılır.