Tarixin ilk romanı: “Genci dastanı” haqqında nə bilirik?
Faktum.az xəbər verir ki, ədəbiyyatşünasların rəsmi qəbul etdiyi ilk klassik roman XI əsrin əvvəllərində yapon yazıçısı Murasaki Şikibu tərəfindən qələmə alınan “Genci dastanı” (Genji Monogatari) əsəridir. Ümumilikdə 54 fəsildən ibarət olan bu nəhəng psixoloji əsər saray həyatını və insan xarakterinin dərinliklərini əks etdirir.
1000 ildən çox tarixi olan bu roman Avropada ilk romanların ortaya çıxmasından təxminən 500 il əvvəl yazılıb. Əsərdə müəllif 400-dən çox obrazın daxili aləmini və duyğularını ustadlıqla təsvir edərək dünya nəsrinin bünövrəsini qoyub.