Səhnənin unudulmaz simaları: 31 iyulda doğulan iki teatr fədaisi

Faktum.az xəbər verir ki, iyul ayının 31-i Azərbaycan teatr və kino sənətinin inkişafında müstəsna xidmətləri olan iki böyük sənətkarın – Cahangir Novruzov və Vaqif Əliyevin doğum günüdür.

Azərbaycan realist aktyor məktəbinin banisi Cahangir Zeynalovun nəvəsi və dahi aktrisa Nəsibə Zeynalovanın oğlu olan Əməkdar İncəsənət Xadimi Cahangir Novruzov (1954) nəsil şəcərəsindən gələn böyük istedadı ilə teatr və kino səhnəmizdə silinməz izlər qoymuş, rejissor və aktyor kimi bir-birindən parlaq obrazlar yaratmışdır.

Eyni gündə dünyaya göz açan Xalq artisti Vaqif Əliyev (1940 – 2021) isə uzun illər Sumqayıt Dövlət Dram Teatrının aparıcı səhnə ustası kimi onlarla mürəkkəb xarakterə can vermiş, sənətə olan sonsuz sevgisi ilə tamaşaçıların dərin rəğbətini qazanmışdır. Azərbaycan mədəniyyətinə dəyərli töhfələr verən hər iki ustad sənətkar, milli teatr tariximizin şərəfli səhifələrində yaşamaqdadır.