Suveren dövlət
Suveren dövlət
Suveren dövlət yalnız öz ərazisini idarə edən dövlət deyil. Suveren dövlət anlayışı müasir dövlətçiliyin əsas prinsiplərindən biridir. Suverenlik dövlətin öz ərazisi daxilində ali hakimiyyətə malik olması, daxili və xarici siyasətini müstəqil şəkildə müəyyənləşdirməsi və beynəlxalq münasibətlərdə öz maraqlarını sərbəst ifadə etməsi deməkdir. Dövlətin siyasi, hüquqi və institusional müstəqilliyi məhz suverenlik anlayışı ilə sıx bağlıdır. Azərbaycan Respublikasının dövlətçilik tarixində suverenlik xüsusi əhəmiyyət daşıyır.
Azərbaycan 1991-ci il oktyabrın 18-də dövlət müstəqilliyini bərpa etdikdən sonra müstəqil dövlət kimi öz siyasi və hüquqi institutlarını formalaşdırmağa başladı. 1995-ci ildə qəbul edilmiş Azərbaycan Respublikasının Konstitusiyası isə dövlət quruluşunun əsas prinsiplərini müəyyənləşdirdi. Konstitusiyaya əsasən, Azərbaycan dövləti demokratik, dünyəvi, unitar respublikadır və dövlət hakimiyyətinin mənbəyi Azərbaycan xalqıdır. Suveren dövlətin mühüm xüsusiyyətlərindən biri onun bütün ərazisində vahid dövlət hakimiyyətinin və qanunvericilik sisteminin təmin edilməsidir. Dövlət sərhədlərinin qorunması, ərazi bütövlüyünün təmin olunması, konstitusiya quruluşunun müdafiəsi və dövlət institutlarının fəaliyyət göstərməsi suverenliyin əsas göstəriciləri sırasındadır. Azərbaycanın müasir tarixində ərazi bütövlüyünün və dövlət suverenliyinin təmin edilməsi mühüm mərhələlərdən keçib.
2020-ci il Vətən müharibəsindən sonra işğaldan azad edilmiş ərazilərdə bərpa və quruculuq işlərinə başlanılıb. 2023-cü ilin sentyabrında keçirilmiş lokal xarakterli antiterror tədbirlərindən sonra isə Azərbaycan Prezidentinin rəsmi məlumatına görə, ölkənin dövlət suverenliyi tam bərpa edilib. Bu hadisədən sonra Qarabağ və Şərqi Zəngəzurda dövlət idarəçiliyinin və hüquqi institutların fəaliyyətinin təmin edilməsi istiqamətində yeni mərhələ başlayıb.
Etibar Talıbov – Zərdab rayonu Alıcanlı kənd sakini