Qafqaz Albaniyasının sirli əlifbası və kilsələrdəki gizli şifrələr

Faktum.az bildirir ki,  bu gün Azərbaycan tarixinun ən sirli, çoxlarının miflərə bürüdüyü, lakin tapılan hər bir daşında ayrı bir gizli tarix yatan Qafqaz Albaniyasının açılmamış şifrələrinə işıq tuturuq.

Əsrlər boyu itmiş hesab olunan, lakin Sinay dağındakı Müqəddəs Yekaterina monastırında tapılan qədim əlyazmalarla varlığı yenidən sübut olunan 52 hərflik alban əlifbası, bu gün də dilçilər və tarixçilər üçün böyük bir sirr olaraq qalmaqdadır.

Azərbaycanın Şəki (Kiş kəndi), Qəbələ, Qax və Qarabağ bölgələrində ucalan qədim alban kilsələrinin divarlarına, qəbir daşlarına və sütunlarına həkk olunmuş sirli simvollar – fərqli formalı xaçlar, “həyat ağacı” motivləri, günəş simvolları və qəribə həndəsi fiqurlar sadəcə bəzək deyil, qədim bir sivilizasiyanın rəqəmsal və dini şifrələridir.

Faktum.az xüsusilə vurğulayır ki, xristianlıqdan öncəki bütpərəstlik, atəşpərəstlik və göy tanrısı inancları ilə xristianlıq fəlsəfəsinin sintezindən yaranan bu unikal memarlıq abidələri, erməni tarixçilərinin saxtalaşdırma və “erməniləşdirmə” chdlərinə baxmayaraq, öz həqiqi sahiblərinin – qədim alban-türk tayfalarının izlərini daşlarında qoruyub saxlayır. Bu sirli yazıların və kilsələrdəki divar rəsmlərinin tam olaraq oxunması, nəinki Azərbaycanın, bütövlükdə Qafqazın qaranlıq qalmış tarixinə tamamilə fərqli bir işıq salacaq və keçmişimizin böyük sirlərini dünyaya bəyan edəcək.