Məmməd Araz xatirələrdə bu tarixlə anılır

Faktum.az xəbər verir ki, 24 iyul tarixi müasir Azərbaycan poeziyasının nəhənglərindən olan İstiqlal şairi Məmməd Arazın xatirəsi ilə də sıx bağlıdır.

Xalq şairi Məmməd Araz zəngin ədəbi irsi, vətənpərvərlik ruhunda qələmə aldığı poetik nümunələri və milli təfəkkürün formalaşmasındakı müstəsna rolu ilə Azərbaycan ədəbiyyatı salnaməsində silinməz iz qoyub.

Bakı şəhərində və ölkənin müxtəlif bölgələrində hər il bu tarixdə böyük söz ustadının xatirəsi yad edilir, onun milli müstəqillik ideyalarını tərənnüm edən əsərləri və unudulmaz misraları bir daha ehtiramla xatırlanır.