İkinci beynimiz: Bağırsaqlarımızda yaşayan zəngin mikrobiom aləmi

Faktum.az xəbər verir ki, müasir tibb və biologiya elminin ən böyük kəşflərindən biri insan orqanizminin yalnız hüceyrələrdən ibarət olmadığını, bədənimizdə trilyonlarla mikroorqanizmin – bakteriya, virus və göbələklərin harmoniyada yaşadığını ortaya qoydu.

“Mikrobiom” adlanan bu nəhəng mikroorqanizm ekosisteminin böyük hissəsi bağırsaqlarımızda məskunlaşıb və insan sağlamlığına təsiri o qədər dərindir ki, alimlər bağırsaqları haqlı olaraq bizim “ikinci beynimiz” adlandırırlar. Bağırsaq divarlarında yerləşən yüz milyonlarla sinir hüceyrəsi (mərkəzi sinir sistemindən sonra en böyük şəbəkə) “bağırsaq-beyin oxu” vasitəsilə baş beynimizlə daimi əlaqə saxlayır.

Hətta xoşbəxtlik hormonu kimi tanınan serotoninin təxminən 90%-i məhz bağırsaqlarımızda sintez olunur. Bu səbəbdən həzm sistemindəki balansı pozulmuş, yəni mikrobiomu zəifləmiş insanlarda təkcə həzm problemləri deyil, eyni zamanda təşviş, depressiya, yuxusuzluq və immunitet zəifliyi kimi ciddi hallara rast gəlinir.

Qidalanma vərdişlərimizin, stress səviyyəmizin və istifadə etdiyimiz antibiotiklərin birbaşa təsir etdiyi mikrobiom, əslində orqanizmimizin gizli idarəetmə mərkəzi kimi fiziki və ruhi sağlamlığımızın təməl daşını təşkil edir.