Günəş enerjisinin təbii deposu: Ərik meyvəsinin insan orqanizminə unikal faydaları

Faktum.az xəbər verir ki, yay mövsümünün ən sevilən və dadlı meyvələrindən biri olan ərik sadəcə xoş tamı ilə deyil, zəngin tərkibi və müalicəvi xüsusiyyətləri ilə də fərqlənir. Tərkibindəki vitaminlər, minerallar və güclü antioksidantlar sayəsində ərik bədənin daxili balansını qoruyan əvəzsiz bir təbiət möcüzəsidir.

Əriyin narıncı rəngi onun tərkibində yüksək miqdarda beta-karotin (A vitamini öncülü) olmasından xəbər verir. A vitamini və lutein göz sağlamlığını qoruyur, görmə qabiliyyətini itiləşdirir və yaşla bağlı göz xəstəliklərinin qarşısını alır. Eyni zamanda, ərikin tərkibindəki C və E vitaminləri dərinin elastikliyini saxlayır, hüceyrələri yeniləyir və qocalma prosesini ləngidir.

Bununla yanaşı, ərik ürək-damar sistemi üçün əsl qoruyucu hesab olunur. Tərkibindəki yüksək miqdarda kalium qan təzyiqini tənzimləyir, damar divarlarını möhkəmləndirirvə bədəndəki artıq mayenin xaric olunmasına kömək edir. Həzm sisteminin fəaliyyətini yaxşılaşdıran pəhriz lifləri (kletçatka) isə bağırsaqların işini normallaşdırır, maddələr mübadiləsini sürətləndirir. Təkcə meyvəsi deyil, əriyin quru forması (qaysı) və çəyirdəyinin ləpəsi də vitamin-mineral baxımından bədənə böyük enerji verir.