Formaların inqilabı

Müasir memarlıqda dekonstruktivizm və Zaha Hadidin futuristik irsi

Faktum.az xəbər verir ki, XX əsrin sonlarında ortaya çıxan dekonstruktivizm müasir memarlıqda ənənəvi simmetriyanı, düz xətləri və standart həndəsi qaydaları alt-üst edən inqilabi bir cərəyandır. Bu üslub binalara sadəcə sığınacaq və ya funksional tikili kimi deyil, sanki havada dalğalanan, hərəkətdə olan canlı bir incəsənət əsəri kimi yanaşır.

Dekonstruktivizmin vizionalarından biri, dahi arxitektor Zaha Hadid idi. “Əyrilərin kraliçası” kimi tanınan İraq əsilli britaniyalı memar öz futuristik layihələri ilə memarlıq dilini kökündən dəyişərək çətin görünən ideyaları reallığa çevirdi. Hadidin dizayn etdiyi binalarda kəskin bucaqlar yerini axıcı, mürəkkəb və futuristik xətlərə verir. Beton, şüşə və polad onun əlində toxuma kimi işlənərək təbiətin dalğavari formalarını xatırladır.

Bakıdakı Heydər Əliyev Mərkəzi, Quançjou Operası və Romadakı MAXXI Muzeyi kimi şah əsərlər Zaha Hadidin dekonstruktivizm konsepsiyasına gətirdiyi unikal baxışın ən parlaq nümunələridir. Bu binalar şəhər mühitinə dinamika qatmaqla yanaşı, insanlara gələcəyin memarlıq estetikası ilə bu gündən təmas qurmaq imkanı bəxş edir.