Azərbaycan Respublikası ilə Qırğız Respublikası arasında ikitərəfli münasibətlər
Azərbaycan Respublikası ilə Qırğız Respublikası arasında ikitərəfli münasibətlər
2026-cı il iyulun 31-də Prezident İlham Əliyev Qırğızıstana dövlət səfəri etdi. Səfər zamanı Qırğız Respublikasının Prezidenti ilə görüşlər keçirildi, iki ölkə arasında əməkdaşlığın gələcək inkişafı müzakirə olundu. Daha sonra dövlət başçıları mətbuata bəyanat verdilər.
Prezident İlham Əliyev çıxışında bildirdi ki, Azərbaycan ilə Qırğızıstan arasında münasibətlər dostluq, qardaşlıq və qarşılıqlı hörmət prinsiplərinə əsaslanır. Hər iki ölkə ortaq tarixə, mədəniyyətə və türk dünyasının ortaq dəyərlərinə malikdir. Bu amillər əlaqələrin daha da möhkəmlənməsinə kömək edir. Dövlət başçısı vurğuladı ki, son illərdə siyasi əlaqələr daha da inkişaf edib. Ölkələrimiz beynəlxalq təşkilatlar çərçivəsində bir-birini dəstəkləyir, yüksək səviyyəli qarşılıqlı səfərlər isə əməkdaşlığın genişlənməsinə şərait yaradır.
İqtisadi sahədə də yeni imkanlar yaranır. Ticarət əlaqələrinin artırılması, nəqliyyat və logistika layihələrinin həyata keçirilməsi, investisiya qoyuluşunun genişləndirilməsi hər iki ölkə üçün faydalıdır. Azərbaycan və Qırğızıstan sahibkarlar arasında əməkdaşlığın gücləndirilməsinə də xüsusi önəm verirlər. Təhsil və mədəniyyət sahəsində həyata keçirilən layihələr xalqlarımızı bir-birinə daha da yaxınlaşdırır. Ağdam şəhərində Qırğız xalqının qəhrəmanı Manasın adını daşıyan məktəbin fəaliyyət göstərməsi bunun bariz nümunəsidir. Bu məktəb Azərbaycan və Qırğızıstan xalqları arasında dostluğun və qardaşlığın rəmzi hesab olunur. Prezident İlham Əliyev bəyanatında qeyd etdi ki, Azərbaycan ilə Qırğızıstan bundan sonra da bütün sahələrdə əməkdaşlığı genişləndirəcək. İmzalanan sənədlər və əldə olunan razılaşmalar iki ölkənin əlaqələrinin gələcək inkişafına mühüm töhfə verəcək. Azərbaycan Respublikası ilə Qırğız Respublikası arasında münasibətlər hər il daha da möhkəmlənir. Dostluq, qarşılıqlı etimad və ortaq dəyərlər bu əlaqələrin əsasını təşkil edir. Bu əməkdaşlıq həm iki ölkənin inkişafına, həm də türk dünyasında birliyin güclənməsinə xidmət edir.
Zərdab rayon Gəlmə kənd tam orta ümumtəhsil məktəbinin direktoru-Rasif Qaçayev