Soyuq müharibənin kölgədə qalan qadın casusları

Faktum.az xəbər verir ki, ABŞ ilə SSRİ arasında baş verən və tarixə Soyuq müharibə kimi həkk olunan qarşıdurma dövründə cəbhə xətti yalnız açıq döyüş meydanlarında deyil, həm də kəşfiyyat idarələrinin gizli otaqlarında formalaşırdı.

Dünya siyasətində və dövlətlərarası mübarizələrdə kölgədə qalan, lakin qərarları ilə tarixin gedişatını dəyişən qadın agentlər Mərkəzi Kəşfiyyat İdarəsi (MKİ) və Dövlət Təhlükəsizlik Komitəsi (DTK) tərəfindən həyata keçirilən ən kritik əməliyyatların mərkəzində dayanırdılar. Bu baxımdan ABŞ-da nüvə sirlərini Moskvaya ötürməkdə təqsirləndirilən Etel Rozenberq, Böyük Britaniyada 40 ilə yaxın müddətdə SSRİ kəşfiyyatına xidmət etmiş Melita Norvud və MKİ əməliyyatlarına istiqamət verən Elinor Dulles kimi simalar həyata keçirdikləri gizli tapşırıqlarla böyük güclər arasındakı güc balansına birbaşa təsir göstərmişdirlər.

Xüsusilə 1953-cü ildə həyat yoldaşı Yulius Rozenberq ilə birgə edam edilən Etel Rozenberq haqqında The New York Times qəzeti və Time jurnalı kimi nəşrlərdə dərc edilən arxiv materialları bu qadınların kəşfiyyat dünyasındakı mühüm rolunu aydın şəkildə nümayiş etdirir.