Ümumdünya Ağcaqanad Günü: Ser Ronald Rossun kəşfi və malariya ilə global mübarizəın tarixi

Faktum.az xəbər verir ki, hər il avqustun 20-də bütün dünyada təbabət və ictimai səhiyyə sahəsində mühüm mərhələ sayılan Ümumdünya Ağcaqanad Günü (World Mosquito Day) qeyd olunur. Bu əlamətdar günün tarixi 1897-ci ilə dayanır; məhz həmin il britaniyalı ordu həkimi ser Ronald Ross dişi Anofel (Anopheles) ağcaqanadlarının mədə toxumasında malariya parazitlərini kəşf edərək bu öldürücü xəstəliyin insanlara məhz bu həşəratlar vasitəsilə keçdiyini elmi şəkildə sübut etmişdir. Bu böyük kəşfinə görə 1902-ci ildə Fizialogiya və Təbabət üzrə Nobel mükafatına layiq görülən Ross, kəşfindən dərhal sonra hər il bu tarixin ağcaqanadlar və onların yaydığı infeksiyalarla mübarizəyə həsr olunmasını təklif etmişdir.

Müasir tibb elmi inkişaf etsə də, ağcaqanadlar hələ də planetin insan üçün ən təhlükəli və ölümcül canlısı hesab olunur. Ümumdünya Səhiyyə Təşkilatının (ÜST) statistikasına görə, ağcaqanadların yaydığı malariya, Denge qızdırması, Zika virusu, Qərbi Nil qızdırması və sarı qızdırma kimi xəstəliklər hər il dünyada yüz milyonlarla insanın yoluxmasına və 700 mindən çox şəxsin həyatını itirməsinə səbəb olur. Ümumdünya Ağcaqanad Gününün keçirilməsində ana məqsəd insanları həşəratlar vasitəsilə yayılan təhlükəli infeksiyalar haqqında maarifləndirmək, bataqlıqların qurudulması, qoruyucu torlardan və kimyəvi vasitələrdən istifadə kimi profilaktik addımları təşviq etmək və qlobal səhiyyə təşkilatlarının diqqətini bu ölümcül xəstəliklərin kökünün kəsilməsinə yönəltməkdir.