Ukrayna Müstəqillik Gününü qeyd edir

Faktum.az xəbər verir ki, hər il 24 avqust tarixində Ukrayna özünün ən mühüm dövlət bayramı olan Ukraynanın Müstəqillik Gününü təntənəli şəkildə qeyd edir.

1991-ci il 24 avqust tarixində Ukrayna SSR Ali Soveti tərəfindən Ukraynanın Müstəqillik Bəyannaməsi Aktı qəbul edilmiş və bununla da ölkə suveren dövlət olduğunu bəyan etmişdir. Həmin il 1 dekabr tarixində keçirilən ümummilli referenduma qatılan vətəndaşların mütləq əksəriyyəti müstəqillik aktını dəstəkləmiş, nəticədə Ukrayna beynəlxalq hüququn müstəqil subyekti kimi tanınmışdır.

1992-ci il tarixində Ukrayna Ali Radası tərəfindən rəsmiləşdirilən bu tarixi gün həm Kiyev şəhərində, həm də ölkənin digər vilayətlərində dövlət səviyyəsində müxtəlif rəsmi tədbirlər və anım mərasimləri ilə yaddaqalan olur.