Qlobal Maliyyənin Görünməyən Gücləri
Dünya İqtisadiyyatını Pərdə Arxasından İdarə Edən Qlobal Ailələr və İnstitutlar
Faktum.az xəbər verir ki, modern dünya iqtisadiyyatı yalnız dövlətlərin, mərkəzi bankların və rəsmi hökumət qərarlarının nəzarətində deyil. Qlobal maliyyə axınlarına, transmilli korporasiyalara və strateji resurslara istiqamət verən, əsrlər boyu formalaşmış ailə sülalələri və nəhəng investisiya fondları pərdəarxası iqtisadi güc mərkəzləri kimi çıxış edirlər.
18-ci əsrdən etibarən Avropa bank sisteminin əsasını qoyan Rotşild (Rothschild) ailəsi və 19-cu əsrin sonlarında neft sənayesində monopo
liya quran Rokfeller (Rockefeller) nəslinin iqtisadi təsirləri müasir dövrdə də müxtəlif investisiya strukturları üzərindən davam edir. Tarixən dövlətlərə borc verən, iri infrastruktur layihələrini və energetika koridorlarını maliyyələşdirən bu sülalələr qlobal maliyyə arxitekturasının formalaşmasında mühüm rol oynayıblar.
Bu gün qlobal iqtisadiyyatda ən böyük nüfuza sahip olanlar təkcə ənənəvi ailələr deyil, trilyonlarla dollar aktivləri idarə edən investisiya fondlarıdır. “BlackRock”, “Vanguard” və “State Street” kimi nəhəng korporasiyalar dünyadakı ən iri avtomobil, texnologiya, bank, əczaçılıq və media giqantlarının majoritar və ya mühüm səhmdarlarıdır. Bu fondların idarə etdiyi ümumi kapital bir çox inkişaf etmiş dövlətlərin ÜDM-dən qat-qat böyükdür.
Bilderberq Klubu, Beynəlxalq Valyuta Fondu (IMF), Dünya Bankı və Dünya İqtisadi Forumu (WEF) kimi beynəlxalq platformalar qlobal iqtisadiyyatın gələcək istiqamətlərini, rəqəmsallaşma, yaşıl keçid və iqtisadi model dəyişikliklərini müzakirə edən ana mərkəzlərdəndir. Buradakı strateji qərarlar qlobal ticarətin qaydalarını müəyyənləşdirir.
Faktum.az bildirir ki, pərdəarxası iqtisadi güclər və nəhəng investisiya şəbəkələri müasir kapilatalizm sisteminin ən mürəkkəb və diqqətçəkən tərəflərindən biridir.