”Qarabağ”ın bu futbolçuları UEFA Gənclər Liqasında oynamayacaqlar
“Qarabağ”ın U-19 komandasının nigeriyalı futbolçuları Muyideen Olude və Tohib Abidun bu mövsüm UEFA Gənclər Liqasında meydana çıxa bilməyəcəklər.
Faktum.az xəbər verir ki, bu barədə Ağdam təmsilçisinin Futbol Akademiyasının baş koordinatoru Aftandil Hacıyev məlumat verib.
O bildirib ki, buna səbəb futbolçuların mvafiq yaş həddini keçməsidir: “Onlar yeni mövsümdən etibarən Əvəzedicilər Liqasında oynayacaqlar”.
Qeyd edək ki, “Qarabağ”ın U-19 komandası ötən mövsüm Azərbaycan çempionu olaraq UEFA Gənclər Liqasına vəsiqə qazanıb.