Mərakeşin Göy Şəhəri
Şefşauen Evlərinin Göy Rəngə Boyanmasının Tarixi və Dini Səbəbləri
Mərakeşin şimalında, Rif dağlarının ətəyində yerləşən Şefşauen (Chefchaouen) şəhəri bütünlüklə göyün və mavinin müxtəlif çalarlarına boyanmış küçələri ilə dünyada məşhurdur.
Faktum.az xəbər verir ki, 1471-ci ildə əsası qoyulan bu tarixi şəhərin göy rəngə bürünməsinin arxasında həm dini, həm də praktiki səbəblər dayanır. XV əsrdə İspaniyadakı İnkvizisiyadan qaçaraq buraya sığınan Yəhudilər (Sefardlar) göy rəngi səmti və göyləri, yəni Tanrının varlığını və sülhü simvolizə etdiyi üçün evlərini bu rəngə boyamağa başlamışlar. Bununla yanaşı, göy rəngin ağcaqanadları və həşəratları uzaq tutması, eləcə də isti yay aylarında evləri sərin saxlaması kimi praktiki üstünlükləri də bu ənənənin yerli əhali arasında geniş yayılmasına səbəb olmuşdur. Bu gün Şefşauen şəhəri həm dini tolerantlığın tarixi simvolu, həm də Mərakeşin en çox ziyarət edilən mədəni turizm mərkəzlərindən biridir.