Azərbaycan musiqi mədəniyyətinin unudulmaz siması: Nazim Əliverdibəyov

Faktum.az xəbər verir ki, avqustun 24-ü Azərbaycan musiqi sənətinin görkəmli nümayəndəsi, tanınmış bəstəkar, dirijör və pedaqoq Nazim Əliverdibəyovun anadan olmasının 100-cü ildönümüdür.

1926-cı ildə Bakı şəhərində işıqlı dünyaya göz açan Nazim Əliverdibəyov köklü musiqiçi nəslinin nümayəndəsi olaraq milli musiqi mədəniyyətimizin inkişafına misilsiz töhfələr bəxş etmişdir.

Bəstəkarın yaradıcılığı zənginliyi və janr rəngarəngliyi ilə seçilir. Onun qələmə aldığı baletlər, simfonik əsərlər, instrumental musiqi nümunələri və kinofilmlərə bəstələdiyi musiqilər Azərbaycan musiqi xəzinəsinin dəyərli inciləri sırasındadır. Xüsusilə Azərbaycan Dövlət Akademik Opera və Balet Teatrında dirijör kimi fəaliyyət göstərərək klassik operasız və balet tamaşalarının yüksək səviyyədə təqdim olunmasında böyük əmək sarf etmişdir. Məhsuldar bəstəkar olmaqla yanaşı, uzun illər gənc musiqiçilərin yetişdirilməsində, pedaqoji fəaliyyətdə də müstəsna rol oynamışdır.

Yaratdığı dərin emosional və milli ruhlu əsərlərlə dinləyicilərin qəlbində silinməz izlər qoyan Nazim Əliverdibəyovun əziz xatirəsi və zəngin musiqi irsi Azərbaycan xalqının hafizəsində hər zaman böyük ehtiramla yaşayacaqdır.