Mövsümi Həyəcan Sönüklüyü: Payızda Depressiyanın Səbəbləri Nələrdir?

Payız aylarının gəlişi ilə bir çox insanda müşahidə olunan halsızlıq, daimi yuxulu hal və əhval-ruhiyyənin kəskin düşməsi təkcə psixoloji bir reaksiya deyil, birbaşa bioloji dəyişikliklərin nəticəsidir.

Faktum.az xəbər verir ki, tibb elmində Mövsümi Emosional Pozuntu (Seasonal Affective Disorder – SAD) adlandırılan bu vəziyyətin əsas səbəbi günlərin qısalması və günəş işığının kəskin azalmasıdır. Günəş şüalarının azalması beynimizdə emosional balansı tənzimləyən “xoşbəxtlik hormonu” serotoninin səviyyəsini düşürür, eyni zamanda qaranlıq saatların uzanması yuxu hormonu olan melatoninin normadan artıq ifraz olunmasına gətirib çıxarır. Bu neyrokimyəvi dəyişikliklər orqanizmin daxili bioloji saatını (sirkad ritmini) pozaraq insanda xroniki yorğunluq və həvəssizlik yaradır. Bura D vitamininin kəskin azalması, yay mövsümünün bitməsi ilə artan iş və təhsil gərginliyi, eləcə də havaların soyuması səbəbindən açıq havada keçirilən vaxtın azalması əlavə olunduqda, mövsümi depressiya xüsusilə həssas insanlarda daha dərin psixoloji gərginliyə çevrilir.