Cərimə və ya həbs təhlükəsi: Müxtəlif ölkələrdə həqiqətən mövcud olan ən qəribə qanunlar

Faktum.az xəbər verir ki, hər bir ölkənin hüquq sistemi onun tarixi, mədəniyyəti və ya müəyyən dövrdə qarşılaşdığı fərqli problemlər əsasında formalaşır, lakin bəzi yerli qadağalar kənardan baxanlar üçün kifayət qədər qəribə və məntiqsiz görünə bilər. Məsələn, Sinqapurda təmizliyi və ictimai qaydanı qorumaq məqsədilə 1992-ci ildən etibarən saqqız idxalı və satışı rəsmən qadağan edilib; bu qaydanı pozanları iri məbləğdə cərimə, hətta həbs cəzası gözləyir.

İtaliyanın Venesiya şəhərində tarixi abidələri və küçələri qorumaq üçün göyərçinləri yemləmək qanunla yasaqlanıb, İsveçrədə  isə mənzil binalarında qonşuların rahatlığını təmin etmək üçün saat 22:00-dan sonra tualetdə sifonu çəkmək qeyri-etik və qadağan olunmuş hərəkət hesab olunur. Yunanıstanda Akropol kimi antik məkanlara zərər vurmaması üçün dikdaban ayaqqabılarla daxil olmaq yasaqlanıb, Kanadada isə qanunvericilik radio stansiyalarında səslənən musiqilərin ən azı 35 faizinin kanadalı sənətçilərə ait olmasını məcburi edir. Bu cür qanunlar ilk baxışda gülməli görünsə də, yerli hakimiyyət orqanları tərəfindən ictimai nizamı və mədəni irsi qorumağın effektiv vasitəsi kimi tətbiq olunmaqdadır.