Adlarını yaza bilməyən baba-nənələrin təəccübləndirən elmi.

Dilimizdə çox gözəl bir söz var, “əsl-nəcabət”.
Yaxın keçmişə qədər gənclər ailə quran zaman, böyüklər tərəflərin əsl-nəcabətini araşdırıb, ona uyğun qərar verərdilər. Məgər ki, onlar elmi adını bilmədikləri genetika elminin gözəl bilirdilər.

“Yeddi arxa dönən” adlandırdıqları kəlmə, genetika elminin əsası idi.

Heç bir elmi olmayan, oxuyub-yazmağı bilməyən qədim insanlar hardan bilirdilər ki, insanın genləri 472 il yaşayır?

DNK-nın kəşfi, sübut etdi ki, insanın bütün yaxşı və pis davranışları genetik kodla 7 nəsil davam edir. Artıq oxuduğum elmi məqalələr əvvəllər olduğu qədər maraq kəsb etmir.

Ulularımızın yaşam tərzlərinə, həyat fəlsəfələrinə, şəxsi müşahidələrinə istinad etdikdə, bu günkü elmdən daha çox biliyə sahib olduqlarına əmin oluram. Hətta Kvant nəzəriyyəsinə, titrəşimə belə hakim idilər. Ona görə də “yaxşı düşün yaxşı olsun” deyə isə başlayardılar. Təəccüblüsü odur ki, cansız əşyaların belə enerji daşıdıqlarından əmin idilər.

Etiraf edim ki, bəzən baba-nənələrin hər tərəfli elminə qibtə edirəm.

Tərifə Şükürqızı