Ümumdünya Audio-Vizual İrsi Qoruma Günü

Faktum.az xəbər verir ki, hər il oktyabrın 27-si bütün dünyada YUNESKO tərəfindən təsis edilmiş Ümumdünya Audio-Vizual İrsi Qoruma Günü (World Day for Audiovisual Heritage) kimi qeyd olunur.

Bu əlamətdar günün əsas məqsədi səs və video lentləri, tarixi sənədli və bədii filmlər, həmçinin zəngin radio-televiziya arxivləri kimi bəşəriyyətin qlobal yaddaşını təşkil edən audio-vizual sənədlərin mühafizə olunmasına, onların zamanla sıradan çıxmasının qarşısının alınmasına və gələcək nəsillərə orijinal şəkildə çatdırılmasına ictimai diqqəti cəlb etməkdir.

Rəqəmsal əsrə keçid dövründə köhnə daşıyıcılarda olan unikal tarixi kadrlar, səs yazıları və mədəniyyət nümunələri ciddi təhlükə altındadır. Buna görə də audio-vizual irsin qorunub saxlanılması və rəqəmsal arxivlərə köçürülməsi hər bir cəmiyyətin tarixi yaddaşının gələcəyə ötürülməsi baxımından həyati əhəmiyyət daşıyır.