Bölünmüş Qəsəbə Baarle: Evlərin Ortasından Sərhəd Keçən Avropa Möcüzəsi

Avropada, Niderland və Belçika sərhədində yerləşən Baarle qəsəbəsi dünyada misli görünməmiş anklav və sərhəd mürəkkəbliyinə malik unikal yaşayış məskənidir.

Faktum.az xəbər verir ki, bu qəsəbə faktiki olaraq iki müstəqil bələdiyyəyə bölünür: Niderlanda aid olan Baarle-Nassau və Belçikaya aid olan Baarle-Hertog. Sərhəd xətləri o dərəcədə dolaşıqdır ki, küçələri, kafeləri, mağazaları və hətta yaşayış evlərinin ortasını kəsib keçir. Şəhərin küçələrində yerə çəkilmiş xüsusi ağ xaçlar (“B” – Belçika, “NL” – Niderland) sərhədin haradan keçdiyini göstərir. Bir ev sərhəd xətti üzərində yerləşdikdə, həmin evin hansı ölkəyə aid olması onun əsas giriş qapısının (qapı nömrəsinin) yerləşdiyi tərəfə görə müəyyən edilir.

Bəzən sərhəd xətti qapının tam ortasından keçdiyi üçün evin həm Belçikaya, həm də Niderlanda aid iki fərqli ev nömrəsi və iki fərqli zəng düyməsi olur. Bu qeyri-adi bölgü Orta əsrlərdə feodallar, Brabant hersoqları və Breda lordları arasında torpaq satışı və müqavilələri zamanı yaranmış, 1995-ci ildə isə rəsmi olaraq santimetrinədək xəritələndirilərək təsdiqlənmişdir. Günümüzdə şəhərdə iki ayrı polis idarəsi, iki poçt sistemi və fərqli vergi qanunvericiliyi yan-yana dinc şəkildə fəaliyyət gösterir.