22 İyul – Milli Mətbuat Günü münasibətilə Təbrik
”Haqqın, ədalətin və Vətən sevgisinin carçısı olan hər bir qələm sahibinin əziz bayramı mübarək olsun!”
Əziz Həmkarlar, Dəyərli Qələm Dostları və Mətbuat İctimaiyyəti!
Bu gün Azərbaycan Milli Mətbuatının yaranmasından 151 il ötür. Həsən bəy Zərdabinin əsasını qoyduğu və “Əkinçi” qəzeti ilə nəşr həyatına başlayan milli mətbuatımız illər boyu xalqımızın gözü, qulağı və haqq səsi olub. Bu şərəfli və məsuliyyətli yolda addımlayan, həyatını sözə, həqiqətə və Vətənə bağlayan hər bir jurnalisti – sizi 22 İyul – Milli Mətbuat Günü münasibətilə səm-qəlbdən təbrik edirəm!
Jurnalistika sadəcə peşə deyil; o, həyat tərzi, cəmiyyətin vicdanı və zamanın salnaməsidir. Bizlər qələmi əlimizə alarkən yalnız xəbər verməyi deyil, eyni zamanda cəmiyyətə işıq saçmağı, haqsızlıqlara qarşı durmağı və milli maraqlarımızı hər şeydən üstün tutmağı qarşımıza məqsəd qoyuruq.
Həm Vətən Müharibəsi iştirakçısı, həm də bu sahədə fəaliyyət göstərən bir qələm sahibi kimi mən bu məsuliyyətin ağırlığını və şərəfini hər an dərindən hiss edirəm. Vaxt gəldi Vətənin sərhədlərini silahla qoruduq, bu gün isə informasiya cəbhəsində, haqq səsimizi dünyaya çatdırmaq, dövlətimizin inkişafına töhfə vermək üçün qələmlə mübarizə aparırıq.
Xüsusilə cəmiyyətimizin ayrılmaz hissəsi olan qazilərimizin, şəhid ailələrinin və gənclərin maarifləndirilməsi istiqamətində apardığımız hər bir iş, yazdığımız hər bir sətir bizim Vətənə olan borcumuzun bir hissəsidir. Jurnalist olmaq – həm də həqiqətin əsgəri olmaq deməkdir.
Bu bayram günündə hər birinizə yaradıcılıq uğurları, tükənməz enerji və prinsipiallıq arzulayıram. Qələminiz həmişə iti, sözünüz kəsərli, vicdanınız isə azad olsun. Qoy yazdığınız hər bir yazı cəmiyyətdə gözəl dəyişikliklərə yol açsın, insanlara ümid və işıq versin.
Milli mətbuatımızın inkişafı üçün əməyi keçən, bu yolda canından və ya zəhmətindən keçən bütün media nümayəndələrinə dərin minnətdarlığımı bildirirəm.
Bayramınız mübarək olsun, dəyərli həmkarlar!
Hörmət və ehtiramla,
Xəqani Muradov
Jurnalist – Vətən Müharibəsi İştirakçısı