“Səssiz dünya rekordu” – Dəniz altında 100 Gün yaşayan alim

Okeanoloq Co Dituri dəniz səviyyəsindən 10 metr dərinlikdə yerləşən xüsusi sualtı kapsulda təcrid olunaraq tam 100 gün keçirib.

Eksperimentin məqsədi yüksək təzyiqin insan bədəninə və qocalma prosesinə təsirini öyrənmək idi. 100 günün sonunda aparılan tibbi müayinələr şok nəticə verdi: Diturinin DNT-sindəki telomerlər (qocalmanı göstərən xromosom ucları) gödəlmək əvəzinə 20 % uzanmışdı. Yəni yüksək təzyiq və səssiz mühit hüceyrə səviyyəsində onu bioloji olaraq təxminən 10 yaş cavanlaşdırmışdı.
Co Diturinin sualtı kapsulda keçirdiyi 100 gün yalnız psixoloji dözümlülük testi deyil, tibb dünyası üçün əsl dönüş nöqtəsi oldu. Yüksək təzyiqli mühit (hiperbarik şərait) bədəndə kök hüceyrələrin hasilatını kəskin artırmış və iltihab göstəricilərini minimuma endirmişdi. Alimin yuxu keyfiyyəti yüksəlmiş, xolesterin səviyyəsi düşmüş və hüceyrələrinin zədələnmiş hissələri öz-özünü bərpa etməyə başlamışdı. Bu təcrübə gələcəkdə qocalma əleyhinə hiperbarik terapiyaların və uzunmüddətli kosmik uçuşlarda insan orqanizminin qorunması üsullarının inkişafına böyük təkan verir.

Şəhla İlkay