Qırğızıstanın dağ turizmi, Azərbaycanın isə tarix vəmədəniyyət turizmi böyük imkanlara malikdir
Qırğızıstanın dağ turizmi, Azərbaycanın isə tarix vəmədəniyyət turizmi böyük imkanlara malikdir
Son illərdə yaşıl enerji layihələri bütün dünyada prioritet sahələrdən birinə çevrilib. Günəş və külək elektrik stansiyalarının tikintisi, enerji infrastrukturunun yenilənməsi və elektrik şəbəkələrinin inkişafı Fondun maliyyələşdirə biləcəyi istiqamətlər sırasındadır.
Qırğızıstanın dağ turizmi, Azərbaycanın isə tarix və mədəniyyət turizmi böyük imkanlara malikdir. Yeni hotellərin, istirahət mərkəzlərinin və turizm infrastrukturunun yaradılması həm turist sayını artıracaq, həm də yerli əhali üçün yeni iş yerləri açacaq.
Yeni zavodların və istehsal müəssisələrinin yaradılması ölkələrin ixrac potensialını artıracaq. Bu isə iqtisadiyyatın şaxələndirilməsinə mühüm töhfə verəcək.
Fondun maliyyə imkanlarının genişlənməsi ilk növbədə sahibkarlar üçün yeni perspektivlər açır.
Əgər sahibkarın gəlir gətirəcək yaxşı biznes layihəsi varsa, Fond həmin layihənin maliyyələşdirilməsində iştirak edə bilər. Bu da yeni məhsulların istehsalına, xidmət sahələrinin genişlənməsinə və biznesin inkişafına şərait yaradır. Kiçik və orta sahibkarlığın inkişafı isə ölkə iqtisadiyyatının əsas dayaqlarından biridir.İlk baxışdan 200 milyon dollarlıq investisiya adi vətəndaşa uzaq görünə bilər. Əslində isə bunun təsiri gündəlik həyatda hiss olunur. Yeni investisiyalar nəticəsində yeni iş yerləri yaranır, insanların gəlirləri artır, istehsal genişlənir, xidmətlərin keyfiyyəti yüksəlir, regionların inkişafı sürətlənir, dövlət büdcəsinə daxilolmalar artır.
Azərbaycan və Qırğızıstan Türk dünyasının mühüm dövlətləridir. Son illərdə Türk Dövlətləri Təşkilatı çərçivəsində iqtisadi əməkdaşlıq daha da genişlənir. Birgə investisiya fondları bu əməkdaşlığın praktik nəticələrindən biridir. Belə layihələr ölkələr arasında ticarət dövriyyəsinin artmasına, qarşılıqlı investisiyaların çoxalmasına və yeni iqtisadi əlaqələrin qurulmasına xidmət edir.
İqtisadi baxımdan bu qərar yalnız Azərbaycan və Qırğızıstan üçün deyil, ümumilikdə Türk dünyasında iqtisadi inteqrasiyanın güclənməsi istiqamətində atılmış mühüm addımlardan biri kimi qiymətləndirilə bilər.
Gülnaz Məmmədova – Zərdab şəhər sakini, təqaüdçü