Azərbaycanda vergi ödənişləri hansı valyuta ilə hesablanır?

Vergi Məcəlləsinin 9-cu maddəsinin izahı

Faktum.az xəbər verir ki,  Azərbaycan Respublikasının Vergi Məcəlləsinin 9-cu maddəsi ölkə ərazisində vergilərin hesablanması və ödənilməsi ilə bağlı əsas maliyyə qaydasını müəyyən edir.

Maddənin tələbinə əsasən, ölkə hüdudları daxilində bütün vergi öhdəlikləri müstəsna olaraq Azərbaycan Respublikasının rəsmi pul vahidi – manatla hesablanmalı və dövlət büdcəsinə ödənilməlidir. Bu norma istər yerli, istərsə də xarici şirkətlər və fiziki şəxslər üçün məcburidir. Hətta kommersiya müqavilələri və ticarət əməliyyatları xarici valyuta ilə aparılsa bile, vergi hesabatları tərtib edilərkən məbləğlər mütləq manat ekvivalentinə çevrilməli və bütün vergi köçürmələri yalnız manatla reallaşdırılmalıdır.