Beynəlxalq Bərabər Əməkhaqqı Günü

Faktum.az xəbər verir ki, Birləşmiş Millətlər Təşkilatı (BMT) tərəfindən təsis edilən Beynəlxalq Bərabər Əməkhaqqı Günü hər il 18 sentyabr tarixində dünyada gender əsaslı əməkhaqqı fərqinə diqqət çəkmək məqsədilə qeyd olunur.

BMT və Beynəlxalq Əmək Təşkilatı (ILO) tərəfindən təqdim edilən statistik məlumatlara əsasən, qlobal miqyasda qadınlar kişilərin qazandığı hər 1 dollar müqabilində orta hesabla 77 sent əldə edirlər, bu da ümumilikdə 20 faizlik əməkhaqqı fərqi deməkdir.

Mövcud inkişaf tempi ilə dünyada bu gender əməkhaqqı uçurumunun tam aradan qaldırılması üçün 257 il tələb olunur. BMT-nin 2030-cu il Davamlı İnkişaf Məqsədləri çərçivəsində eyni dəyərli iş üçün bərabər əməkhaqqı prinsipinin təmin edilməsi əsas hədəflərdən biri kimi müəyyən edilib.