Bizdən saatbasaat uzaqlaşan illər
Kosmosun zamanı amansızca bükən ən böyük oyununun sirri açıldı
Faktum.az məlumatına görə, kosmosda keçən cəmi 1 saatın Yerdəki 7 ilə bərabər olması və ya fərqli kosmik cisimlərdə zamanın fərqli sürətlə axması mistika deyil, Albert Eynşteynin ümumi nisbilik nəzəriyyəsi ilə sübut olunmuş real fiziki fenomendir.
Qravitasiya qüvvəsi nə qədər güclü olarsa, o, ətrafındakı məkan-zaman toxumasını bir o qədər çox bükür və nəticədə həmin bölgədə zamanın axın sürətini Yerdəki zamana nisbətən yavaşladır. Xüsusilə nəhəng kütləli qara dəliklərin yaxınlığında bu qravitasiya bükülməsi o qədər ekstremal həddə çatır ki, orada bir neçə saat keçirən kosmonavt öz kosmik gəmisi ilə geri döndükdə, Yerdə artıq bütöv bir nəslin dəyişdiyinin, onilliklərin və ya əsrlərin keçdiyinin şahidi ola bilər.
Eynşteynin “qravitasiya zaman yavaşlaması” adlandırdığı bu fenomen təkcə nəzəriyyədə qalmır, bu gün planetimizin orbitində fırlanan GPS peyklərinin atom saatlarının Yerdəki saatlardan bir neçə mikrosaniyə sürətli işləməsi ilə hər gün real olaraq qeydə alınır və cihazların dəqiq işləməsi üçün daim kosmik zamana düzəlişlər edilir.